北歐之旅（17 - 25 Nov 2015）Day 8 - 9

第八天朝早，喺遊輪上食早餐，DFDS啲餐幾好㗎，而且餐廳亦都decorate得好有聖誕氣氛。

落船第一站當然去睇little mermaid像啦，去丹麥必到嘅景點。

北歐好鼓勵市民用單車代步，一來環保，二來對身體好。

所以好多呢啲租、泊單車嘅地方，同時佢哋設有好多單車專綫，通常喺馬路同行人路之間，如果大家去呢啲國家旅遊，行街時要特別留意會唔會踏入咗單車專綫，咁好易被單車撞倒。

呢個景點係送嘅，因為順路，所以停比大家落車影相。

跟住就去國皇新廣場，好似去睇白金漢宮咁囉。

一樣有御林軍做守衞，廣場四周嘅建築物，分別係皇后、國皇、皇子嘅宮殿，屋頂嘅𣄃幟，顯示主人是否在屋內。

遊完國王新廣場，就去新港運河途步區。

其實呢度比我有荷蘭嘅感覺。

係嘞，呢座大廈就係安徒生嘅舊居。

再參觀咗安徒生像。

經過Tivoli Garden，覺得出面啲公仔幾得意，所以影下先。

食完晏就係自由時間，咁我哋又四圍行，去番新運河步行區，要去洗手間，發現裏面竟然都有聖誕裝飾，真係令人去廁所都特別開心嘅。

行經呢間酒店，覺得佢哋啲聖誕裝飾好特別，認住佢先，一陣入去嘆啡。

酒店對面有個聖誕市集，不過冇乜特別，係咁易影幾張相就走。

走番酒店嘆啡，天氣凍，其實想揾個室內地方休息下啫。

順便影下間酒店內部，都幾靚㗎。

跟著又再四圍逛，然後就到集合時間出機場，搭飛機經Helsinki返香港。

安全抵達香港就係第九天，旅程就此結束，謝謝大家。