北歐之旅（17 - 25 Nov 2015）Day 4

第四天，一早起身食過靚早餐先。

今日行程好密，因為係最後一日喺Helsinki，跟著下午就搭overnight遊輪去瑞典，所以行程好趕。

我哋其實唔係咁鍾意跟團咁rush，所以我哋冇join自費嘅芬蘭堡，寧願喺市中心漫遊，更加寫意，享受兩個鐘嘅自由行時間。

佢哋出發去芬蘭堡，我哋就留喺呢個街市逛一陣，兼飲咗導遊介紹嘅creamy fish soup。

因為太早，好多商店未開。

就係呢間導遊介紹嘅，佢哋creamy fish soup都幾好飲，啲料好足幾大碗，好多salmon㗎，€9.5一碗貴唔貴就見仁見智啦，不過我哋照要兩碗，一人一碗。

地方唔係好大，得三張枱，我諗佢哋做外賣多。

係咪幾大碗，會跟個包嘅，個包超熱，我覺得熱過個湯呀，不過我唔鍾意嗰啲刁草。

話說我哋飲緊湯時，有兩個應該係自由行嘅女仔（好似係香港人，因為聽到佢哋講廣東話），想喺呢間舖頭買嘢食，佢吔有個crayfish嘅包，猛問檔主係咪lobster，其實係小龍蝦先啱，我費事多事搭咀啦。不過佢哋最後都有買嚟食，坐喺我哋後面張枱，好快食完就走。

其實我同佢而家唔會食小龍蝦，因為睇過篇article介紹過佢哋嘅生長環境，尤其是大陸所謂farming嘅小龍蝦。雖然有人話係fake news，但總之唔敢食啦。

飲完個熱湯，個身暖咗，就出去四圍逛。第一件事梗係搵nespresso啦，佢喺Stockmann附近。

我哋除咗買幾條capsules，仲買咗套Christmas edition嘅杯，紀念品篇再show比大家睇啦。

Stockmann幾好行㗎，不過我哋淨係去咗佢哋嘅廁所，同埋用下佢哋wifi search下嘢，第時有機會再慢慢下先。

跟著喺街度隨意影下。

話說再同導遊佢哋會合時，就係去呢個Senate Square（上議院廣場）影相，不過我哋喺呢段自由行時間已經行咗，同埋影相。其實再行過Senate Square就係Helsinki Cathedral，不過冇再行咁遠，因為約咗導遊喺city hall等，再行埋餘下行程。

我哋當然入city hall參觀下啦，同埋用下wifi。哈哈，呢個團嘅團友係冇入去city hall行程㗎，所以我哋係唯一入去參觀嘅團友。

夠鐘會合，我哋就行番出去city hall，就見到導遊同團友，浩浩蕩蕩咁行過嚟。

佢哋上完Senate Square影完相之後，就到lunch time嘞。

食完lunch之後，行程就好趕好快喇，因為我哋3點幾就要上船。

首先去Olympic Stadium。

再去Uspenskin Katedraali（東正教堂），其實冇呢個行程㗎，導遊送嘅，所以我都覺得佢做得幾好。

跟住去Sibelius Monument。

當然唔小得石中教堂（Tempellakio Rock Church），教堂好靚，好似鬼斧神工咁，室內更加有氣勢。

去完呢個教堂，就結束我哋喺Helsinki嘅行程喇。

我哋今次撘嘅係Silja Line，呢個cruise好正㗎，多嘢睇、多嘢賣、多嘢食。

我哋間房呀。

當然唔少得買咗啲紀念品啦，勝在佢哋係tax free shop，買完嘢唔駛出機場搞refund，夠方便。

我哋仲去咗間日本料理店，買了外賣三文手卷做宵夜，食完就訓覺，聽朝第五天就到瑞典喇。