呢次旅程當然買咗啲紀念品啦，所以出埋呢篇作為北歐之旅嘅總結。
下面呢個聖誕公仔喺瑞典舊城市集買嘅，佢好鍾意。
Moomin公仔同杯喺Silja Line買嘅，因為唔想買太多嘢，所以揀咗好耐。
喺DFDS買嘅瑞典水晶馬，佢要紅色，我要藍色。
都係喺Silja Line買嘅聖誕裝飾，砌好咗，點着小candle，啲鹿就好似走馬燈咁轉㗎喇。
我哋喺芬蘭唔join自費活動，逛街時，特登搵nespresso買capsules，仲有一套聖誕杯。
機場Starbucks買嘅。
聖誕老人村買嘅。
喺DFDS買嘅Royal Copenhagen磁器，真係幾靚㗎。
聖誕老人村買嘅，係聖誕特別版。
喺丹麥機場免稅店買嘅，佢之前冇買開Marc Jacobs香水，不過佢覺得個樽好特別，因為加番個蓋，樽香水就變成一個clutch咁。
Hermès至係佢嘅favorite。
由Helsinki飛去Ivalo，佢喺機上有啲肚餓，就比錢叫咗個餐食，送咗呢個小贈品。
當然唔少得佢嘅La Mer護膚產品啦。
最後祝大家聖誕節快樂！新年進步！
聖誕快樂~~~
回覆刪除北歐特別多聖誕野賣~~
Royal Copenhagen磁器堅靚!!!!
係呀，所以特別鍾意逛啲聖誕市集，搜羅啲聖誕精品。
刪除我哋開咗套碗嚟飲湯，雖然係鑵頭湯，但覺得特別好味。
預祝你新年快樂，台灣跨年之旅愉快！
咦~咁有無去過德國哥d聖誕市集呀~其實我好想去~~
刪除你講得岩!!有靚既餐具絕對可以令其中既食物提鮮加分!!!!!!!!!!!
野~~~好衰架~~~多謝哂~~~~~~~~~我會食好多野架喇~
德國淨係去過法蘭克福𠴱個咋，都幾大型㗎。
刪除哈哈，所以佢買埋好多靚餐具㗎。
咦，唔明點好衰，我講咗邊句好衰呀。
最近太忙,好少寫/睇BLOG
回覆刪除一黎探你原來已經分享曬北歐之旅哈哈哈
等我慢慢追番先~
芬蘭 nespresso的capsules係平好多定質素好好多?
哈哈，你慢慢睇我嘅北歐遊記啦，唔駛急。
刪除大概平1/3啦，唔算平好多，不過我覺得歐洲嘅capsules濃味啲，純粹個人感覺，嘻嘻。