東歐遊（10-20 Jun 2013) - 捷克

東歐嚟到尾二嘅國家 - 捷克。呢個國家亦都係前蘇聯解體出嚟，1993年同斯洛伐克分別獨立，2004年入歐盟，但到而家源用自己貨幣 - 克朗（CZK）。首都位於布拉格，人口千零萬，波希米亞民族始於捷克。

講完呢個國家嘅少少資料，就睇相啦。

一朝早，就去咗呢個卡羅維法利溫泉區（Karlov Vary)，嗰度嘅泉水話有醫療作用，不過係飲，唔係浸。遊客可以喺度買d溫泉杯（我哋都買咗做souvenir），然後喺泉口位注水飲，分好幾種溫度選擇。不過我哋冇飲，所以唔知乜嘢味道。其實嗰度嘅景色幾靚㗎，我哋喺Karlov逗留咗一個上晝，下晝就番布拉格嘞。

就係呢d溫泉杯嘞，好多都好靚㗎，手柄頂部有個飲咀，注咗泉水入去，就喺嗰個咀度飲㗎嘞，我哋都買咗兩隻。

番咗布拉格，呢兩個站崗士兵都好辛苦㗎，不停有遊客到，就做活動布景板。我見影緊佢哋時，原吞口水都唔敢。藉此，我要對佢哋salute。

又到影教堂嘅時候，呢個係ST. Vitus Cathedral。裏面好靚㗎，尤其是d彩繪玻璃窗，可能採用咗波希米亞玻璃，所以特別靚嘅。

我特別鍾意呢幅相，好有意境。因為室內環境好暗，兩則都比較黑，但啱啱有一道光照住墻上嘅㓮象，就比我捕捉咗呢一刻。

行上山，可以飽覽布拉克舊城區。唔知點解，咁樣影個舊城區，我覺得有d似Florence。

終於行到查理四世橋（Karl Bridge)，我一路行，一路逐個影d像。每一像都有故仔㗎，不過我冇細心睇呀，因為有d像下面企滿人，好難迫埋去睇下d文字㗎。

最後去到廣場位置睇天文鐘，每一正刻鐘，骷顱骨就會報時搖鈴，十二門徒（每組兩個）就會喺窗口出現，都幾得意㗎。

哈哈，夠鐘埋位，睇十二門徒出巡嘞！

完哂，閂門！

跟住喺廣場附近嘅商店到處行，最後仲買咗俄羅斯公仔，波希米亞玻璃杯，同埋Mosers嘅水晶杯。