東歐遊（10-20 Jun 2013) - 克羅地亞

東歐遊嘅第二站就係克羅地亞，呢個係前南斯拉夫解體出嚟嘅其中一個國家，有400幾萬人口（少過香港人口），首都位於札格勒布（Zagreb ），人民大部份信奉天主教。

克羅地亞爭取多年加入歐盟，2012年經全民投票，有3份2人支持，2013年7月1日正式成為歐盟成員，不過貨幣仍然用Kuna。

我哋去嗰時係6月份，所以仲要過border去斯洛文尼亞。喺克羅地亞，我哋有city tour，同埋去咗世遺嘅16湖睇自然環境，境色簡直嘆為觀止。

睇相！

City tour就係喺Tomislav Square開始。

必影嘅St. Mark's Church，個天真係好藍。

呢個係St. Mary Cathedral，室內外都好宏偉。教堂內嘅低光環境，6D完全發揮到佢嘅作用，冇令我失望。

跟住第2日就去咗世界遺產 - 16湖國家公園，我哋只係行咗下4湖，聽local guide講，若果要行哂成個國家公園，要幾日時間。呢個被喻為歐洲九寨溝，有好靚嘅自然環境。老實講，我未去過九寨溝，唔知嗰度有幾靚，不過以16湖喺1979年已被定為世界遺產，到而家仲可以好好保留到生態環境。而且佢哋保育意識好強，唔會為賺錢而任人破壞自然環境。而九寨溝1992年被定為世界遺產，但以中國人咁向錢看，振興佢哋當地旅遊業，自然環境好快就會被完全破壞。

嘗試手持霧影流水，因冇得落腳架（去過16湖嘅人都知，d路好窄，根本落唔到腳架嘅），只用快門4份1至0.3秒，所以絲嘅感覺唔係好出，揾機會再練下先。

仲有得遊船河，正！

最尾仲遇到呢隻好可愛嘅小狗，佢主人特登叫佢對鏡頭，不過佢好cool，除咗第一幅capture到佢個正面，其它嗰d都擰哂面。