日本之旅2013 - Day 2 (26/12/2013)

第二日一朝早，就行下個宮川朝市。不過太早，好多街邊檔未開，影幾幅相，就番酒店食早餐，跟住去白川鄉。

日本之旅2013 - Day 1 (25/12/2013)

今次日本嘅行程，除咗京都、大板、神戶、名古屋，仲有岐阜嘅飛驒高山、白川鄉。

我哋第一日就撘CX，飛去名古屋，再坐3個幾鐘到飛驒高山（Hida Takayama），其實去到都天黑嘞，冇乜特別節目。第一晚就住溫泉酒店，同埋享受佢哋嘅傳統晚餐。

香港機場好有聖誕氣氛呀，今年仲有Swarovski聖誕樹影。

日本之旅 2013 - 序

啱啱今晚機，由日本番咗嚟香港。

5日4夜嘅日本之旅，去咗飛驒高山（Hida)、世遺嘅白川鄕、京都嘅嵐山、猴子公園、大城市神戶同大板。

整體好玩，食得好住得好，不過又係join團嘅唔好處，遇到太多騎呢團友。但如果唔join團自駕遊，照番呢個行程玩，淨交通費都好甘，唔計其它洗費。

影咗700幾張相，用photo app概括一下我哋嘅行程，遲d先至寫詳細遊記。

聖誕日本之旅

係嘞，年尾我哋會再去旅行。今次同我家姐，一行五人，由原本嘅澳洲，改去日本。行程就由大板玩到去名古屋，不過只係join團，因為費事plan同懶。

其實自從311後，佢問過好多次，可唔可以去日本，但都比我reject，因為仲有d擔心。但今次家姐話想去日本，因為佢細女未去過，同埋只係去關西地區，相對地安全d，所以就應承咗。我知佢覺得我有少少偏心，無計啦，自己家姐喎，我都好就佢屋企人㗎。

希望今次日本之旅，玩得開心d啦，尤其係佢，補償番。

東歐遊（10-20 Jun 2013) - 德國

終於去到東歐遊嘅尾站 - 德國。

大家都應該好熟識呢個國家，所以無須多介紹。

正如我第一篇講，東歐之旅有好多阻濟，由頭黑到落尾，到尾站都係咁黑，可謂首尾呼應。

德國行主要喺柏林，但因為美國總統到訪，到處封路，行人止步，最後我哋都冇得去查理檢查站。

冇謂多講，睇相啦。

未去柏林之前，我哋就去咗Dresden有小瑞士之稱嘅蕯克森。

東歐遊（10-20 Jun 2013) - 捷克

東歐嚟到尾二嘅國家 - 捷克。呢個國家亦都係前蘇聯解體出嚟，1993年同斯洛伐克分別獨立，2004年入歐盟，但到而家源用自己貨幣 - 克朗（CZK）。首都位於布拉格，人口千零萬，波希米亞民族始於捷克。

講完呢個國家嘅少少資料，就睇相啦。

一朝早，就去咗呢個卡羅維法利溫泉區（Karlov Vary)，嗰度嘅泉水話有醫療作用，不過係飲，唔係浸。遊客可以喺度買d溫泉杯（我哋都買咗做souvenir），然後喺泉口位注水飲，分好幾種溫度選擇。不過我哋冇飲，所以唔知乜嘢味道。其實嗰度嘅景色幾靚㗎，我哋喺Karlov逗留咗一個上晝，下晝就番布拉格嘞。

東歐遊（10-20 Jun 2013) - 奧地利

東歐遊第四站就係奧地利，去咗Salzburg同Vienna。

Salzburg主要係city tour，同埋叫做到過The Sound Of Music嘅拍攝場境。

去Vienna仲遇到gay佬大遊行，簡直係難得一見。

去相！

Salzburg

東歐遊（10-20 Jun 2013) - 斯洛文尼亞

過咗克羅地亞嘅border，就嚟到旅程第三站，亦即係第三個國家 - 斯洛文尼亞。好似克羅地亞咁，都係前南斯拉夫分裂出嚟嘅國家，1991年獨立，04年加入歐盟，07年採用euro，都算快嘞，可想而知，Slovenia嘅經濟發展係好迅速。人口大概200零萬，信奉天主教，首都盧比珍娜（Ljubljana），好美的名字呀。

我哋一開始，又係city tour先，因為過關嘅阻滯，去到Ljubljana已經夜晚七點半有多，好彩歐洲夏天日照時間長，所以嗰天仲好光，不過市集就收哂。

東歐遊（10-20 Jun 2013) - 克羅地亞

東歐遊嘅第二站就係克羅地亞，呢個係前南斯拉夫解體出嚟嘅其中一個國家，有400幾萬人口（少過香港人口），首都位於札格勒布（Zagreb ），人民大部份信奉天主教。

克羅地亞爭取多年加入歐盟，2012年經全民投票，有3份2人支持，2013年7月1日正式成為歐盟成員，不過貨幣仍然用Kuna。

我哋去嗰時係6月份，所以仲要過border去斯洛文尼亞。喺克羅地亞，我哋有city tour，同埋去咗世遺嘅16湖睇自然環境，境色簡直嘆為觀止。

睇相！

City tour就係喺Tomislav Square開始。

東歐遊 （10-20 Jun 2013) - 匈牙利

首先要講下，呢個旅程其實係中歐，羅馬尼亞同保加尼亞至係東歐，不過d人通常會話我哋旅遊嗰幾個國家係東歐。

呢次東歐遊真係黑到冇朋友，喺HK機場想提款，就比獅子銀行ATM食咗我張card，搞咗一大輪，番嚟仲要寫complaint。

去到Budapest水位仍然好高，所以冇river cruise（其實都預咗，不過真係好失望。）

喺克羅地亞入境斯洛文尼亞，因為Croatia要7月1日先至effective做歐盟成員，所以要辦出入境手續。但係Slovenia嗰邊玩嘢，要我哋前邊兩架波斯尼亞旅遊車全部人落車，又開佢哋d gip檢查，本來半個鐘頭嘅過關程序，搞咗一個半鐘有多，仲要個chop好濛，得個date，喺瑞士出境番香港時，比immigration阿姐問我嗰個係乜印，我咪照講「屎落抆你呀」囉，佢可能見我有少少火，過關。

去到Vienna，又遇到gay佬大遊行，爭d搞到有d行程去唔到。

到咗柏林仲x街，撞正Obama到訪，好多街道block哂，幾經辛苦，先至叫做去到柏林圍牆，但Charlie Checkpoint緣慳一面，oh shit!

兼夾團中又有d騎呢人，有兩pair阿叔夫婦，扮哂嘢，成日以為自己好識嘢，其實冇料到，又試過同枱食飯爆粗（喂同你哋好熟呀，留番比你哋同親朋戚友講啦），又成日吹噓周遊列國，自己個仔喺袋鼠國幾叻，唔該你哋慳d啦。後尾叫導遊可唔可以唔再安排我哋同佢哋同枱食飯，佢幫咗我哋。Thanks, Jacky!

其實呢次留咗咁多遺憾，係應該revisit嘅，不過又真係冇乜誘因再嚟東歐，所以都唔會短期內再嚟。

好喇，呻完。大家可以睇相，第一站匈牙利。