西歐11天遊 - 法國（5月26 - 6月5日 2015）

停咗一個禮拜，上星期六、日要改卷唔得閒，所以而家先可以完成到篇遊記。

終於到西歐遊嘅最後一站 - 法國巴黎。相信大家都唔會陌生，所以我都唔多介紹，讓大家欣賞行程。

第七日，整整坐咗成日車，由瑞士長驅直進巴黎，到達時已經近黃分時份。

即刻登上Montparnasse嘅56樓，整個巴黎市盡入眼簾。

跟住夜晚嗰餐都係自費，就是但喺附近嘅餐廳食就算嘞。

食完飯，四圍逛多陣，等車返酒店。

呢間酒店重新翻新過，幾正㗎，當然係近郊，遠離市區啦。

訓完一覺，到第八日早上，就梗係去下凱旋門啦。

協和廣場埃及塔

巴黎鐵塔反轉再反轉

而家嗰度多咗好多警察巡邏，可能太多罪案發生，咁啲遊客都覺得安全啲。

我哋行下行下，見到呢度有電動車租，由GPS導航，就可以遊巴黎市嘞。

有人租喇，工作人員會講一下先，然後就可以揸走佢。如果大家想舒適地遊巴黎，呢個應該係唔錯嘅選擇。

又到自費食晏嘅時候，我哋去咗Printemps頂層嘅Brasserie，呢度環境幾好，價錢唔太貴，仲可以望到個dome，serve我哋嘅waiter好風趣㗎。

麵包有啲硬，但佢哋又不停refill，一定係淨番好多。

Appetizer嘅hard boiled egg簡直一流，我想encore。

Main course係trout in tomato sauce，略嫌酸咗啲。

行咗冇幾耐，就入咗Laduree嘆tea，其實今次join團，好有自由行嘅感覺。

到第九日，亦都係最後一日，因為今晚搭機走嘞。

去咗Lourve附近影下相，因為唔入museum喇。

小凱旋門

其實想玩呢種Segway嘅city tour㗎，下次自己嚟先至玩。

臨出機場，喺Angelina食tea。

終於寫完呢個西歐，希望將來再有機會同大家分享遊記啦。