西歐11天遊 - 瑞士（5月26 - 6月5日 2015）

第六日，去瑞士嘅琉森，又係第四次嚟，影垂死獅子都有雪景同夏天景，當然呢度冬天嚟會少啲人。其實每次見到獅子都覺得佢好可憐，令人想起1792年，為保護法國皇帝而犧牲嘅瑞士衛兵，佢哋係好忠心㗎，所以連Vatican都係用瑞士衛兵㗎。

因為又係自費食飯，梗係唔會待簿自己，揀間好啲嘅餐廳啦，呢間係專食pizza and pasta嘅，不過唔知點解，嗰度好多烏蠅㗎。

我嘅cappuccino。

佢嘅凍檸樂。

兩碟意粉都好大㗎，佢嗰碟有少少spicy，好好㗎。

食飽就喺琉森四圍逛逛。

呢度啲天鵝，原來係法國皇室送比琉森市嘅後代嚟㗎。

跟住我哋就離開琉森，坐車去Interlaken嘞，會喺嗰度住一晚，第二日至上少女峰（Jungfrau），下面就係酒店露台望出去。

Interlaken呢度嘅小鎮好好行㗎，街道好整潔，我哋仲喺呢度終於買到WMF煲添，返嚟用佢嚟㷛過湯同炆過嘢，真係冇得頂，算係旅程中另一收穫。

第七日朝早嘅，梗係上少女峰啦，佢比Titlis仲要高多400幾米（我講緊係我哋到嘅位置，唔係攀山上到山頂嘅高度），因為上到少女峰3,454米歐洲最高火車站。

上山前喺車站攞番兩本passport做紀念品先。

呢啲就係齒輪路軌，比啲火車可以上山用嘅。

坐緊火車上山，出面嘅風景好靚㗎，我鍾意呢種形式上山，多過Titlis嗰種。

經過幾個站，終於到咗終點站Jungfraujoch。

呢個就係鉄道設計者阿度夫（Adolf Guyer Zeller）。

喺少女峰食完lunch，我哋就去咗伯恩（Bern）呢個古城。

愛因斯坦曾經喺伯恩大學教過，所以呢度都有好多佢事物㗎。

唉，大熱喇，真嘅熊冇出現，為有影啲假㗎啦。

拜拜古城，喺伯恩住一晚，第八日就坐差唔多成日車過法國喇。