東歐遊（10-20 Jun 2013) - 德國

終於去到東歐遊嘅尾站 - 德國。

大家都應該好熟識呢個國家，所以無須多介紹。

正如我第一篇講，東歐之旅有好多阻濟，由頭黑到落尾，到尾站都係咁黑，可謂首尾呼應。

德國行主要喺柏林，但因為美國總統到訪，到處封路，行人止步，最後我哋都冇得去查理檢查站。

冇謂多講，睇相啦。

未去柏林之前，我哋就去咗Dresden有小瑞士之稱嘅蕯克森。

好老實講，我又唔係好覺得呢度似瑞士，不過呢度嘅奇石林又幾得意。

我哋喺呢間shop買咗紀念品，係一個玻璃球裏面有幾塊轉轉轉嘅葉片，用radiometer化成energy推動葉片，原理類似走馬燈，不過佢用普通太陽光照射就會轉動㗎嘞，呢個係光熱能嘅範疇。

嚟到有城市feel嘅柏林嘞，食個晏先慢慢行。

行到攰攰地，天氣又超熱，走入去呢間賣Gelato嘅舖頭食雪糕先。

然後就睇君王出巡圖。

跟住去柏林圍牆，但周圍封路封得好緊要，唔知以為有恐怖襲擊。

呢對街頭表演者，應該係快閃黨嚟，佢哋等d車停，就表演雜耍，到行車時，佢哋就係車之間穿插走人。

因為封路原因，始終都去唔到圍牆，所以去咗布籣登堡門先（Brandenburg Gate)，嗰度都聚集咗好多人呀。

跟住就去睇圍牆嘅舊遺跡

呢條線就係分隔東西德嘅圍牆遺跡。

考下大家，邏輯推理題，分界線兩面，邊面係東德，邊面係西德（tips係當其時係下午）。

其實柏林有好多呢d熊公仔㗎，始終唔係自由行，冇得比我哋慢慢explore，為有見到一隻影一隻啦。

柏林第二日，亦都係行程嘅最後一日，再試過去圍牆。

終於嚟圍牆嘅一部份嘞，雖然冇睇到塗鴉嗰面，但都叫做到此一遊丫。

呢個圍牆嘅字句，完全充分表現到我對Obama到訪柏林嘅心聲呀！

因為去唔到查理檢查站，為有繼續city tour，去咗間大型百貨公司KaDeWe。我開頭覺得咁泰國嘅，其實佢個全名係Kaufhaus Des Westens，即係department store of the west咁解。

逛咗一陣KaDeWe，我哋走咗去對面嘅Miele，因為見到CM5200咖啡機，比香港平好多，所以去𥄫𥄫。

入去問下有冇delivery service，佢哋話冇。原本check-in luggage附加費都唔算好貴，但又驚會整爛。咁嗰度嘅員就同我講可以hand carry上機，我心諗無嘢呀，咁重點拎呀，最後我哋都放棄。

然後我行番去KaDeWe，準備買佢夢寐以求嘅喼神 - Rimowa。嘩，嗰度買真係平好多。

喺買喼途中，令我哋體會到德國人嘅英文係好唔掂嘅。

你可能會話法國人英支都唔得，但其實法國人嘅英文係好叻㗎，只不過佢哋唔鍾意講，但德國人就真係唔識英文，最好你同佢講德文啦，

全個旅程最後一個景點 - 德國博物館。因為我哋冇join到呢個自費活動，所以喺外圍影下相，同埋喺cafe度嘆下咖啡食件cake。

其實成個行程有遺憾有得著，總之開開心心去玩，就會愉快渡過啦。


完