西歐11天遊2015 (Souvenir)

哈哈，呢篇係西歐遊2015嘅bonus篇。其實我唔慣寫完遊記後，再寫一篇買咗啲乜嘢souvenir，不過有blog友想知道下我哋買嘅嘢，所以就寫埋呢篇作一個西歐遊嘅總結。

下面呢個就係喺Innsbruck買嘅Nespresso奶壺喇，香港要$950（除非買機時買埋，如果唔係，散買就要呢個價。不過而家會員好似唔知有7折定8折，我哋返嚟先知）。呢個€70啫，仲未計退稅，一定抵過香港。除呢部嘢，當然入咗好多條平過香港嘅capsule啦。

佢可以打熱嘅或凍嘅foam㗎，好正！

遊Rothengurg古城，就入咗一間專賣Christmas accessories嘅店舖，就買一個木製火車小玩意。

當然仲有呢個Nutcracker啦。

呢套就係喺Venice買嘅Murano杯，不過實在包得太好喇，唔想拆開佢住，因為冇地方擺，遲啲拆開咗佢，先比大家欣賞下真身啦（唔好意思呀，小t）。

瑞士買嘅WMF壓力煲，真係好好用。香港SOGO未有貨，而且呢套4.5+3肯定平過香港，仲有香港賣嘅，未必made in Germany，呢個係信心保證。用過嚟㷛湯、炆嘢，真係時間同能源用少好多，最重要係啲食物真係好「林」，用普通煲㷛幾粒鐘都未必有嘅效果。

Last but not the least，呢啲係佢喺巴黎嘅收穫（除咗隻Lotso），大家blog友都係有識之士，所以我都唔多介紹佢買咗啲乜喇。