西歐11天遊 - 法國（5月26 - 6月5日 2015）

停咗一個禮拜，上星期六、日要改卷唔得閒，所以而家先可以完成到篇遊記。

終於到西歐遊嘅最後一站 - 法國巴黎。相信大家都唔會陌生，所以我都唔多介紹，讓大家欣賞行程。

第七日，整整坐咗成日車，由瑞士長驅直進巴黎，到達時已經近黃分時份。

即刻登上Montparnasse嘅56樓，整個巴黎市盡入眼簾。

西歐11天遊 - 瑞士（5月26 - 6月5日 2015）

第六日，去瑞士嘅琉森，又係第四次嚟，影垂死獅子都有雪景同夏天景，當然呢度冬天嚟會少啲人。其實每次見到獅子都覺得佢好可憐，令人想起1792年，為保護法國皇帝而犧牲嘅瑞士衛兵，佢哋係好忠心㗎，所以連Vatican都係用瑞士衛兵㗎。

西歐11天遊 - 意大利（5月26 - 6月5日 2015）

嚟到第五日，我哋由奧地利去到意大利嘅Venice，必到之地就係聖馬可島。

其實都嚟過四次，所以冇乜感覺，但一次Gondola都冇玩過。有啲人可能覺得好嘥，但又唔可以咁講。其實裏面都有好多地方影相，同店舖逛逛，仲喺今次買咗Triangel（哈哈，我哋比較out)。除咗Triangel，我哋入咗間專賣Murano玻璃嘅店舖，買咗兩隻獨一無二嘅杯，因為啲杯係全人手造，就算pattern好似一樣，但啲細緻位都唔一樣，兼且杯身嘅厚度都唔同。sales好有耐性講解啲產品㗎，最後仲幫我哋勁包裝好嗰兩隻杯。我夠胆講句，應該幾十樓掉落街都唔會爛，所以我哋都將兩隻杯寄倉，盡量減輕hand carry負擔。至於Gondola，我哋終有一天會試嘅，或者將來自由行先算啦。