西歐11天遊 - 德國（5月26 - 6月5日 2015）

哈哈，我哋第三日應該係去德國嘅Rothenburg同Neuschwanstein Castle，而唔係奧地利。但已出了第四日嘅奧地利篇，時間上搞錯咗，唔好意思。

第三日一早，就去咗Rothenburg（因Rothenburg有兩個譯法，所以我索性用番英文），都係幾年前嚟過，不過今次天氣好啲，同埋入古城方向唔同咗，所以睇多咗啲新鮮嘢。

一睇到呢個塔頂，大家就知道到Rothenburg古城入口處。

城裏面仲保留咗好多中世紀嘅原貎，比遊客有一個回到古時嘅機會。

話說中世紀時，好多人都唔識字嘅，所以店舖都裝上呢啲鐵牌，用以識別佢哋係乜嘢店舖。

                                       

呢隻會噴泡嘅熊仲喺度。

我哋今次入咗一間專賣聖誕飾物嘅店舖，仲買咗一個好有特色嘅nutcracker，不過就搵唔到WMF㷛，反而喺瑞士Interlaken買到。

呢個鐘樓走出嚟嘅公仔，就係紀念當年救番整個城嘅前市長。話說當天主教軍攻Rothenburg嘅新教徒，遇到頑強對抗。當天主教軍勝利後，遷怒於四名市議會議員，話要處死佢哋，同埋滅咗整個城。不過佢哋開出條件，如果有人可以一口氣飲哂3.25 litres嘅酒，就放過哂所有嘅人。最後前市長Bürgermeister Nusch真係一口氣飲哂，咁全城嘅人先可以逃過厄運。

又係呢個豬手餐，同幾年一樣，冇乜分別，不過我嫌佢乾咗啲。

喺Rothenburg食埋晏，行多陣就要走，因為要趕去新天鵝堡（Neuschwanstein Castle），好彩趕得切尾班車上去啫。

好多人都知，黃色呢個係舊天鵝堡，啱啱喺巴士站望到嘅。

今次上到嚟係差唔多黃分時份，太陽剛剛照射住則面，構圖好美。幾年前嚟嗰時，則面維修，今次revisit，終於可影到全貎，總算完到心願。

就係呢一面上次維修，緣慳一面，今次終於見到。上次仲落雨，所以較難影相。今次當然補番，盡量影多幾幅啦。

行完呢個行程，我哋就會喺Fussen過一晚，第二朝（第四日）就去奧地利嘅Innsbruck。