大阪之旅 (24-28 Aug 2014)

其實番咗嚟個幾禮拜，終於的起心肝寫埋呢篇大阪之旅。

呢次旅程我同佢都玩得唔太開心，所以比平時影少咗相。今次主要帶佢家姐嗰家人去大阪玩。

5日4夜好快過，到埗第一日，只係喺難波hea行，因為搭凌晨機，所以大家都行得好吽。

第二日我哋就去咗梅田嘅Grand Front Osaka，實在太大，只行咗個南館，北館冇行到，希望下次有機會再行，入夜去理隔離嘅電器城，跟住番難波地下街食魚生飯。

第三日去京都，上晝去嵐山，下晝去清水寺，夜晚番京都車站伊勢丹嘅築地壽司食飯。其實我哋去過嵐山同清水寺，不過佢家姐屋企人想去，所以安排呢個行程。如果我哋自己去，根本唔會加入京都呢個行程，因為太趕，而只會喺大阪玩。

第四日本來會去埋神戶，不過見佢家姐對腳有啲事，其實去京都都已經有事，所以決定放棄去神戶，最後只係行下Namba Parks同埋佢嘅商場，再行去南船場一帶逛下。夜晚本來想去自由軒食，但去到原來冇開，咁就是但揾間樓上居酒屋，草草食完就算嘞。

第五日，臨飛前，去埋Rinku Premium Outlet，佢家姐嗰家人大有收穫，我諗佢哋最開心係呢日。

第一日

第二日

第三日

第四日

第五日

終於完哂成個旅程，亦都寫埋篇遊記，心情有啲忐忑同戚戚然。

現在正式同大家宣布（其實早前有啲blog友都知），呢篇係我最後一篇post嘞。由yahoo blog認識到志同道合，同樣鍾意旅遊嘅blog友，從你哋身上學到好多旅遊知識，再轉嚟blogspot，大家仍然繼續交流，實在難得難捨。

其實呢幾年，眼見活躍嘅blog友，都慢慢淡出，確實唏噓，亦令到自己繼續寫blog嘅動力漸漸失去，所以有停寫blog嘅決定。不過世事難料，可能將來有啲旅行，自己想用文字記低，再喺呢度發post都未定，隨緣啦。雖然停寫blog，但我仍然會保留呢個平台，繼續同大家交流，留言在此，我一定會覆嘅。與此同時，我亦會去大家嘅blog探訪嘅，只要你哋仲記得我就得嘞。

呢幾年，好多謝大家一直嘅支持同探訪，無論有否留言，我都衷心言謝！

最後，以「花千樹」嘅歌詞在此作罷：

戀愛若然像旅行　風景看盡至甘心

就怕給你走遍世間仍可能

疑問宇宙有沒世外桃源　尚要覓尋

一見就情定某人　等於對待你殘忍
誰能保証終生不抱憾　沒更好在眼前等

遇過很多很多戀人　一朵花跟森林
你未決定哪邊合襯　如何投入你情感
害怕今天挑選這人　轉角有個某君
送贈更動魄的熱吻
你為何沒有等　一早已被困

花滿地奇樹滿林　花多眼亂難評分

回頭只怕兜兜轉太耐　沒有採就已黃昏

遇過很多很多戀人　一朵花跟森林
你未決定哪邊合襯　如何投入你情感
害怕今天挑選這人　轉角有個某君
送贈更動魄的熱吻
你為何沒有等　一早已被困

大概你也抱歉得很　傷了幾百個心
也未決定那位合襯　或你知事到如今
共你應該一起的人　已變了做至親
看着你共誰合又分
美事還未發生　冬天已漸近