西葡之旅 (21-30 Jun 2014) - Day 8

第8日朝早，我哋就到咗Monserrat，嗰度有cable car上到山頂，但時間關係，冇上到去。

我哋主要喺呢個山上遊覽，同埋入去修道院參觀吓。

修道院都堆滿人羣，魚貫入場。

啲人入嚟最主要原因，就係要影呢個聖母抱聖嬰像，喺正中間位置。但太遠嘞，24-105 zoom盡都冇可能影到。仲有啲人會排隊行上去，參拜個像。

就係呢個像，不過好多人上去睇個像，所以好難係影㗎。

好鍾意影呢啲彩色花窗㗎，仲記載咗啲聖經故事。

喺修道院行咗一輪，出番嚟就見佢哋有檢閲儀式。

修道院入面影唔清楚聖像，終於喺店鋪度補番一張。

中午嗰餐要自費，所以就咁喺Monserrat嘅food court搞掂，個長通粉幾好味㗎，唔知係咪因為肚餓呢。

跟住我哋就走喇，出發去巴塞隆拿。首先我哋到咗La Rambla嘅街市，試食iberico。其實都ok㗎，不過我哋冇買到。

我哋呢個下晝，就係自由活動，喺La Rambla購物大道消磨嘞。

但係6月嘅西班牙，實在太熱喇，我哋行咗冇耐，已經頂唔順，走入間百貨公司餐廳，嘆吓tea先。

不過隔離坐着幾個冇乜品嘅西班牙人，真掃興，令我哋對西班牙人（尤其城市）冇乜好感。係吔，所以咪影你囉，哈哈。

嘆完tea，我哋就行咗去Casa Batlló（巴特洛之家），聽說講屋主係唔扺得隔離座建築物靚過自己嗰間，所以叫Gaudi幫佢設計過，其實熟悉Gaudi嘅設計，一眼就認得出，就算有一百年歷史，都唔會覺得個設計老套。Gaudi, you're absolutely genius!

我哋冇行到Casa Mila（其實距離Casa Batlló好近㗎咋，因為太熱喇，唔想行），好多謝團友P，佢張嗰度影嘅相forward比我，以下幾幅Casa Mia嘅相要名謝P。

跟住夜晚我哋就食西班海鮮炒飯，不過係香港人炒嘅，我感覺上唔算好正宗，但係都幾好味嘅。