西葡之旅 (21-30 Jun 2014) - Day 7

今日第7日，我哋會先去馬德里市中心，睇最大嘅鬥牛場，再去購物大道行吓，跟住就坐差唔多4粒鐘車程去Zaragoza（薩拉戈莎）。

點解會去呢度，因為如果由馬德里直去巴塞隆那，要差唔多8粒鐘時間，所以就有Zaragoza嘅行程，仲會喺嗰度住一晚。第二朝（即係第8日朝早），我哋就會去位於巴塞隆拿西北45公里嘅Monserrat - 蒙特塞拉特「聖山」睇黑色聖母像。

首先去睇鬥牛場。

呢個雕塑有兩面㗎，正面代表勝利，背面就係失敗。

去完鬥牛場，跟住就去咗購物大道。其實我哋都冇乜心頭好，只係好hea咁行吓。

太熱嘞，走咗入Starbucks嘆咖啡，同埋指定動作，買當地嘅咖啡杯。

其實歐洲好鼓吹環保，仲提供好多設施比旅客使用，呢個喺比人租單車嘅docking，好方便㗎。

未離開馬德里，去埋皇家馬德里球會外圍影吓相，跟住就去Zaragoza。

去Zaragoza途中，會經過好多呢啲風力發電嘅風車。

終於到咗Zaragoza，其實呢度係由古羅馬人，喺公元前25年建成。相傳公元40年1月2日，聖母瑪利亞曾於此處顯靈，所以成為信眾朝聖嘅地方。

遊完廣場，我哋就番酒店食飯同休息嘞。