西葡之旅 (21-30 Jun 2014) - Day 6

今日第6日，我哋會去Segovia（塞哥維亞古城）,一入城就見到呢個公元1世紀建造嘅水道橋（aqueduct），係由當時羅馬人興建。

呢個喺1974年，為水道橋2000週年慶典，羅馬送比Segovia。

其實呢個水道橋都幾鬼斧神功㗎，喺當其時，冇用水泥同釘，都可以興建到咁宏偉嘅橋，大家就會諗下，當時啲人究竟係點起㗎呢。

好鍾意走進歐洲呢啲窄小嘅街道，可以親身感受到當地人嘅生活。

行咗好耐，我哋就喺差唔多中午時份，去番餐廳等導遊，因為訂咗乳豬餐。

未行到餐廳，見到呢幾個軍人，佢哋好nice，肯同我哋影相。

終於到咗餐廳，呢間係米芝蓮推介餐廳Mesón De Cándido。主持人會用隻碟切開隻乳豬，跟住會掟爛隻碟，傳統嚟。

個湯𥚃面有隻poached egg，酸酸哋，落咗醋，其實怪怪嘅，不過可接受。

唔知第幾代傳人，開始切豬儀式喇。

老實講，真係好好味，肉質好嫩滑，好juicy，皮唔係十分脆，但好好味。番嚟香港，喺會所餐廳，問阿Lo其實點整㗎，佢話好嘥功夫㗎，要用slow cook，再烤脆個皮，用自身肉汁做汁，準備功夫好耐，唔怪得知要預訂啦。

食完飯，做吓運動，走上樓梯，再由高處，影番個水道橋。

臨走時，先至記得冇影餐廳外邊嘅相，即刻走去影番。

好喇，拜拜Segovia，希望有機會再嚟。

下晝我哋就到咗馬德里嘅西班牙廣場，嗰度都有唐吉訶德像。

嘩，Segway呀，真係好想玩。

之後去到Puerta del Sol（太陽門廣場）

喺太陽門廣場，大家實會影呢個地標。

仲有一定會影呢個Kilometer Zero（零公里）。

話說影呢個零公里有小插曲，我哋成團人本來行過去，想逐批逐批影相，點知有班大陸人，成堆行過去，仲用普通話大聲講「圍起它」。我哋身為香港人，梗係有品好多啦，大家都話遲啲先至影啦，等佢哋影夠先。咁我哋就解散，自己周圍行。

過咗冇幾耐，我同佢再行過去睇吓仲有冇咁多人，只見到有幾個外籍人士同小朋友喺度。個外藉人士見我哋行過嚟好似想影相，佢立即叫開個小朋友，唔好阻住人哋影相。喺呢件事上，我發現家教同品德方面，大陸人真係差過外國人，唔係歧視，唔好成日話人哋針對你，自己檢討吓先啦。

行到咁上下，同佢入咗呢間cafe嘆吓tea。

嘆完tea，再喺集合時間等番導遊，跟住食晚飯同番酒店。