今日第5日，我哋第一個地方，就會去唐吉訶德嘅故事背景發源地 - Consuegra (白風車村）。其實嗰度都幾特別㗎，上到山，就見到矗立咗好幾座風車。如果自己去，我諗要自駕先至去到。
好特別嘅風車
跟住我哋就去Toledo（杜麗古城）附近食晏，食完晏，先至入古城。
食晏有小插曲，話說我哋應該有烤乳豬餐食嘅（個團包嘅），但係餐廳miss咗我哋order，最後餐廳比咗我哋揀豬、牛、魚做午餐。其實都唔會太失望，因為我同佢訂咗之後喺Segovia米芝連餐廳嘅烤乳豬（自費㗎）。
呢間就係食晏嘅餐廳
唐吉訶德同佢隨從嘅像。
大家食飽嘞，可以入古城。
Toledo古城門口。
入到古城，我哋就去咗聖多美大教堂，裏面收藏咗一幅名畫 - 「歐爾加茲伯爵的葬禮」，不過嗰度唔比影相嘅。所以導遊帶咗我哋去一間店舖，裏面有嗰幅畫嘅工藝品，可以比大家影相。
跟住我哋就慢慢行呢個城，仲比我發現有免費wifi，就喺下面教堂附近。
我哋會喺一間舖頭（下圖）集合同去洗手間。
呢日嘅行程就喺杜麗多古城完結，跟住我哋就去食晚飯同番酒店。
我都有去係中午食飯哥間餐廳食中午飯呀~不過我地唔係去食乳豬(食乳豬係水道橋哥度~)...呢間我記得食意粉同雞~~~間餐廳都幾大頭蝦喎~~~
回覆刪除我地上次就係白風車村落雨落到癲左~~~~
下~~有自費餐食架??你跟邊間呀?
水道橋嗰間係米芝蓮推介餐廳嚟，出名食乳豬，所以要自費。我哋跟美麗華嘅。
刪除其實喺白風車村落大雨都幾大鑊㗎，因為嗰度冇地方避雨，咁你哋嗰次都掃興喎。
唔緊要啦，比多個藉口自己，可以重遊舊地。