終於到咗第五日，亦都係最後一日。
今日冇乜特別節目咋，都係行吓outlet，就出機場。呢個outlet幾好行，貨品唔算太out，佢當然有收穫啦，分別買咗Le Creuset嘅stoneware，同埋Moncler嘅羽绒䄛。
臨出機場，團餐包咗鐵板燒，我哋加咗餸，包括和牛、帆立貝、大蝦、喜多次。不過實在太飽嘞，同埋趕時間去機場，所以叫導遊幫我哋pack好條喜多次。番到嚟香港嗰晚，我哋就煮咗條喜多次加烏冬食，好yummy呀。呢次旅程其實都幾滿意，佢又玩得開心，家姐佢哋應該都覺得好玩。雖然一樣有騎呢團友，但大致都唔影響心情。
佢d le Creuset至愛，都算克制㗎嘞。
佢件Moncler呀，都幾靚㗎。
個停車場鴨仔欄杆好過癮㗎。
（完）
我以後去到最尾有野食睇添~~~~~~~~~~~~~~~~~~流口水中~
回覆刪除哈哈，我都估到你會話冇嘢食相睇㗎嘞。鐵板燒嗰度太大油煙，所以冇影到。番到屋企煮完喜多次，又攰又肚餓，冇影就食。最後乜嘢食物相都冇囉。
刪除咁你地條喜多次魚點整呀~好有興趣知~
刪除時間關係，用日式醬油煮佢咋。其實應該煎佢最好，因為油脂多，但太熱氣同嘥時間，所以簡單咁煮囉
刪除~~~我都好鐘意食煎魚的~~~
刪除我想問下你知唔知有咩app可以down戲添呀??除pptv同風行~
pps.tv啦，我以前都係用佢。不過後尾d戲冇update，同埋將日劇落哂架，所以唔用佢。現時應該風行最好㗎嘞。
刪除我係度祝你：新年快樂~身體健康~事事順利~心想事成~一家團圓~恭喜恭喜~
刪除日本的OUTLET真係幾好行~
回覆刪除諗起我地東涌果個即刻想死，哈哈哈
係呀，日本d outlet直係好好行㗎。東涌嗰個，我淨係覺得人迫迫，冇乜嘢好行。
刪除