日本之旅2013 - Day 4 (28/12/2013)

到第四日，旭日初昇，係好開始。

今日節目係行道頓崛，shopping下。佢有收穫呀，喺Bic Camera度買咗個Beats Wireless，好似比香港平咗幾百蚊。

下晏我哋就會嵐山嘅㺅子公園睇馬騮，佢哋好鬼得意㗎。

行咗一段時間，大家都有收穫，跟住就去食晏嘞。順帶提一提大家，今日全日係自費食飯嘅，所以會見到我哋食得幾好，千祇唔好以為d團餐咁正呀。

食完晏，成團人就喺收合地點度等上車，跟住就去嵐山嘞。其實幾年前都去過嵐山，不過冇去過猴子公園。

只要你有嘢食，沿途d馬騮會跟住你㗎。我哋個導遊好衰呀，比d柑皮去引佢咋，隻馬騮真可憐呀。

上到山上邊，佢哋嘅大本營。見到d馬騮喺地下度執嘢食，開頭以為佢哋唔係咁餓呀嘛，執石頭食。原來d工作人員灑咗嘢食喺地下，咁d馬騮就逐粒逐粒執番嚟食囉。我諗佢哋都應該幾好伙食㗎，因為有d馬騮都幾肥下。

從背部，你睇唔睇得出係隻馬騮丫，哈哈。

我鍾意呢幅，隻馬騮仔嘅神態出哂嚟，d散景ok啦。始終24-105 f4.0咋，想點丫。

望番落山下邊嘅風景，都好一流㗎。

落番山，我哋就去試出名嘅豆腐同五色雪榚。

呢個女仔好黑面㗎，又冇笑容同禮貌。不過佢都好慘，第一次整咗個五色雪糕唔合規格，比個老板叫佢掉咗佢再整個，呢個係第二個嚟㗎。其實第一個雪榚，我哋都唔發現有問題，不過個老板要佢再整過。日本人呢種不苟且嘅精神，我哋係應該學習嘅。

到夜晚，我哋就去到京都車站附近行下，同埋食飯。

我哋就係喺天一度食，開頭以為咁貴嘅餐得好少嘢食，點知原來係分幾轉上菜，所以好飽呀。

食完飯，我哋就番酒店，就係呢間。呢間嘢有好多外藉人士入住㗎，夜晚周圍都好熱鬧㗎，不過我哋冇落去逛。