日本之旅2013 - Day 2 (26/12/2013)

第二日一朝早，就行下個宮川朝市。不過太早，好多街邊檔未開，影幾幅相，就番酒店食早餐，跟住去白川鄉。

回程番酒店，d攤檔正準備䦕，不過時間關係，望下就走嘞。

食完早餐，坐咗一段時間嘅車，終於到咗白川鄉。

橋中間嗰個就係我哋嘅導遊，佢幾hea同now㗎。

白川鄉嘅行程就完嘞。

我哋跟住就要去兼六園，其實冇乜特色，公園一個，不過個團包入場，所以入下去。如果自己嚟，要比錢，我寧願去對面嘅金澤城，淨睇外圍都正d啦。

呢個就係金澤城公園入口處，係咪正好多呢。

因為今日嘅景點好充實，所以要食個late lunch（好似成3:00pm），呢度就係東尋坊。個lunch都ok㗎，不過可能遲咗去，個炸魚涼咗d。

食完late lunch，跟住要去神戶嘞。

但開始落雨，影相比較困難，盡量影d神戶夜景比大家睇啦。如果冇落雨，應該影得再好d嘅。呢個變色摩天輪同水嘅倒影幾靚㗎，大家欣賞下啦。

終於番到酒店，呢間酒店好正㗎，ANA Crowne Plaza，神戶車站對面，房間大，有地下街行，自由行可以考慮下。我哋連續住兩晚，冇得頂。

上房放低行李，大家就落地下街，食團餐dinner - shabu shabu，真係好正呀，佢哋d烏冬好彈牙㗎，仲可以免費refill。

跟住行咗陣地下街（其實好多舖頭都收咗，我哋行間超市咋），就上番房嘞。

係咪好大間呢。今日嘅行程完嘞，聽日就入USJ樂園，要訓覺嘞，抖足精神。

對正神戶車站。