日本之旅2013 - Day 1 (25/12/2013)

今次日本嘅行程，除咗京都、大板、神戶、名古屋，仲有岐阜嘅飛驒高山、白川鄉。

我哋第一日就撘CX，飛去名古屋，再坐3個幾鐘到飛驒高山（Hida Takayama），其實去到都天黑嘞，冇乜特別節目。第一晚就住溫泉酒店，同埋享受佢哋嘅傳統晚餐。

香港機場好有聖誕氣氛呀，今年仲有Swarovski聖誕樹影。

我哋就係搭10：30班機。

到咗名古屋空港嘞，等齊人就上旅遊巴，坐3個幾鐘去飛驒高山。

話咁快就去到酒店（其實坐咗好耐車），酒店大堂嘅佈置都好有特色㗎。

趁未食飯，入咗酒店間shop度逛下，都有些少收獲呀，哈哈。

開飯嘞，試下佢哋地道晚宴先，有飛驒牛肉食呀，呢餐都幾豐富㗎。

食完飯，我哋就出去酒店附近嘅7-11，買嘢飲。跟住番酒店，冇浸溫泉，上房訓覺，因為好攰，同埋好好抖足精神，期待聽日嘅白川鄉之旅。