終於到咗第五日，亦都係最後一日。
今日冇乜特別節目咋，都係行吓outlet，就出機場。呢個outlet幾好行，貨品唔算太out，佢當然有收穫啦，分別買咗Le Creuset嘅stoneware，同埋Moncler嘅羽绒䄛。
臨出機場，團餐包咗鐵板燒，我哋加咗餸，包括和牛、帆立貝、大蝦、喜多次。不過實在太飽嘞，同埋趕時間去機場，所以叫導遊幫我哋pack好條喜多次。番到嚟香港嗰晚，我哋就煮咗條喜多次加烏冬食，好yummy呀。呢次旅程其實都幾滿意，佢又玩得開心，家姐佢哋應該都覺得好玩。雖然一樣有騎呢團友，但大致都唔影響心情。
