大阪之旅 (24-28 Aug 2014)

其實番咗嚟個幾禮拜，終於的起心肝寫埋呢篇大阪之旅。

呢次旅程我同佢都玩得唔太開心，所以比平時影少咗相。今次主要帶佢家姐嗰家人去大阪玩。

5日4夜好快過，到埗第一日，只係喺難波hea行，因為搭凌晨機，所以大家都行得好吽。

第二日我哋就去咗梅田嘅Grand Front Osaka，實在太大，只行咗個南館，北館冇行到，希望下次有機會再行，入夜去理隔離嘅電器城，跟住番難波地下街食魚生飯。

第三日去京都，上晝去嵐山，下晝去清水寺，夜晚番京都車站伊勢丹嘅築地壽司食飯。其實我哋去過嵐山同清水寺，不過佢家姐屋企人想去，所以安排呢個行程。如果我哋自己去，根本唔會加入京都呢個行程，因為太趕，而只會喺大阪玩。

第四日本來會去埋神戶，不過見佢家姐對腳有啲事，其實去京都都已經有事，所以決定放棄去神戶，最後只係行下Namba Parks同埋佢嘅商場，再行去南船場一帶逛下。夜晚本來想去自由軒食，但去到原來冇開，咁就是但揾間樓上居酒屋，草草食完就算嘞。

第五日，臨飛前，去埋Rinku Premium Outlet，佢家姐嗰家人大有收穫，我諗佢哋最開心係呢日。

第一日

西葡之旅 (21-30 Jun 2014) - Day 9 & 10

終於嚟到最後一日（第9日），我哋主要會去Sagrada Familia (聖家族大教堂）同埋Spanish Village（西班牙民族村），跟住先至搭飛機番香港，整個西葡之旅就告一段落。

西葡之旅 (21-30 Jun 2014) - Day 8

第8日朝早，我哋就到咗Monserrat，嗰度有cable car上到山頂，但時間關係，冇上到去。

我哋主要喺呢個山上遊覽，同埋入去修道院參觀吓。

西葡之旅 (21-30 Jun 2014) - Day 7

今日第7日，我哋會先去馬德里市中心，睇最大嘅鬥牛場，再去購物大道行吓，跟住就坐差唔多4粒鐘車程去Zaragoza（薩拉戈莎）。

點解會去呢度，因為如果由馬德里直去巴塞隆那，要差唔多8粒鐘時間，所以就有Zaragoza嘅行程，仲會喺嗰度住一晚。第二朝（即係第8日朝早），我哋就會去位於巴塞隆拿西北45公里嘅Monserrat - 蒙特塞拉特「聖山」睇黑色聖母像。

首先去睇鬥牛場。

西葡之旅 (21-30 Jun 2014) - Day 6

今日第6日，我哋會去Segovia（塞哥維亞古城）,一入城就見到呢個公元1世紀建造嘅水道橋（aqueduct），係由當時羅馬人興建。

西葡之旅 (21-30 Jun 2014) - Day 5

今日第5日，我哋第一個地方，就會去唐吉訶德嘅故事背景發源地 - Consuegra (白風車村）。其實嗰度都幾特別㗎，上到山，就見到矗立咗好幾座風車。如果自己去，我諗要自駕先至去到。

西葡之旅 (21-30 Jun 2014) - Day 4

第4日，我哋就由Malaga去Granada (摩爾人以前統治過嘅地方，喺中古時代，猶太人控制過呢度嘅經濟命脈，所以又叫做猶太城）。

到Granada嘅目的，就係要去Alhambra（阿爾罕布拉宮），呢個被譽為最美麗嘅摩爾式建築物。入去有個local guide叫做Elsie，不過佢唔係好識英文，全程係由導遊講解，Elsie嘅出現，純粹係西班牙要protect本地人嘅就業機會，其實個個國家都係咁。

不過同佢一齊行個陣時，佢都盡量用英文交談。我哋啱啱行過一棵樹下，佢仲同我講，啲樹葉可以用嚟沖茶，鎮定神經。死嘞，唔通佢從我外表，都睇得出我係躁底嘅，哈哈。

西葡之旅 (21-30 Jun 2014) - Day 3

第3日就係去Gibraltar （直布羅陀），一個曾經係西班牙嘅地方，但1704年戰後，割讓咗比英國。西班牙本想攞番主權（好似香港咁），但當地分別喺1967及2002年公投反對，所以到目前為止，Gibraltar仍然屬於英國土地（點解英國當年冇咁樣對香港)。

所以一去到Gibraltar，會發現好多英式嘅嘢㗎。其實由西班牙過境去Gibraltar好簡陋㗎，大家就咁遞高本䕶照，行過條通道，個工作人員根本冇認真睇過本䕶照，亦都唔蓋印。一入境行出街，就會見到呢個英式電話亭㗎喇。

西葡之旅 (21-30 Jun 2014) - Day 2

第2日一朝早，我哋仲喺Lisbon，未去Altentejo Vineyard（阿蘭多葡萄酒莊）wine tasting，先去番Black Horse Square，因為噚日唔夠時間去。

西葡之旅 (21-30 Jun 2014) - Day 1

好喇，終於忙完一輪，可以開始寫我嘅西葡遊記，比預期早咗。

今次個團都ok㗎，不過去程有頗多阻滯。我哋搭法航，經巴黎去葡萄牙，但香港飛巴黎時，班機delay咗差唔多兩個鐘，令我哋爭啲趕唔到班connecting flight。到咗巴黎時，法航工作人員一路舉牌，一路引令我哋一行31人（連埋領隊）過法國immigration，我哋就好似玩Amazing Race咁跑。最後有驚冇險上到機，坐我隔離係一位外藉女仔，過immigration時，佢都企埋同我哋團友一齊㗎。不過佢好似唔係幾舒服，咁我就慰問下佢，順便傾計。佢原來係葡萄牙人，不過就住喺澳門同做嘢，今次番葡萄牙渡假。佢問我會逗留幾耐，我就話兩日咋，因為join團，如果自由行就去多啲地方。佢覺得淨係兩日好可惜，咁我就話我哋仲會去西班牙好多地方，例如Seville。佢就話佢有間屋好近Seville，揸20分鐘車就到，仲話嗰度好靚㗎。最後落機，我就祝佢有個愉快週末啦。

當到咗葡萄牙，先發現有部分行李，仍然喺巴黎嗰邊，連導遊都有份，令我哋對法航印象大打折扣。最慘係佢嘅行李喼都滯留咗喺巴黎，所以佢好唔開心。最後幾經波折，機場答應我哋，安排將啲行李喺夜晚前運番酒店，咁我哋就開始葡萄牙嘅行程，梗係食晏先啦。

西葡之旅 (21-30 Jun 2014) - 預覽篇

已經番咗嚟嘞，星期一晚機，好攰，曬黑咗，今曰請多一日假，聽日先番工。

但一番工會好忙，未必即刻寫到遊記，希望7月尾前，可以開始寫。

今次啲團友大致ok㗎，仲識咗p同m一對夫婦。佢哋好好人㗎，大家互相幫對方影合照。因為我哋冇去到Casa Mila影相，p將嗰度啲相whatsapp咗比我。在此，我再一次多謝p嘅幫忙，many thanks。

好啦，比一個預覧地圖大家睇住先，到時再詳述景點。

西葡之旅 - 天氣

西葡之旅就嚟出發，學blog友小t咁倒數下先 - 仲有5日。

而家開始留意緊當地天氣，用yahoo weather app睇吓先。

嘩，一睇就好似Gatsby廣告嗰句咁 -「好驚」。

駛唔駛咁熱呀，yahoo weather會唔會老點呢。

西葡之旅2014 - 序

係呀，又到旅遊peak season嘞，今次揀咗西班牙+葡萄牙。

報咗團，都係佢嘅生日月份出發 - 6月。

希望呢次同佢嘅生日旅行，會玩得開心d，同埋唔好咁多騎呢團友。

日本之旅2013 - Day 5 (29/12/2013)

終於到咗第五日，亦都係最後一日。

今日冇乜特別節目咋，都係行吓outlet，就出機場。呢個outlet幾好行，貨品唔算太out，佢當然有收穫啦，分別買咗Le Creuset嘅stoneware，同埋Moncler嘅羽绒䄛。

臨出機場，團餐包咗鐵板燒，我哋加咗餸，包括和牛、帆立貝、大蝦、喜多次。不過實在太飽嘞，同埋趕時間去機場，所以叫導遊幫我哋pack好條喜多次。番到嚟香港嗰晚，我哋就煮咗條喜多次加烏冬食，好yummy呀。呢次旅程其實都幾滿意，佢又玩得開心，家姐佢哋應該都覺得好玩。雖然一樣有騎呢團友，但大致都唔影響心情。

日本之旅2013 - Day 4 (28/12/2013)

到第四日，旭日初昇，係好開始。

今日節目係行道頓崛，shopping下。佢有收穫呀，喺Bic Camera度買咗個Beats Wireless，好似比香港平咗幾百蚊。

下晏我哋就會嵐山嘅㺅子公園睇馬騮，佢哋好鬼得意㗎。

日本之旅2013 - Day 3 (27/12/2013)

今日喺間酒店嘆完早餐，就開始行程。早餐好豐富，不過冇乜點影相。